LATEST ARTICLES

Azərbaycan İrana başsağlığı verib

Best News
-
0
Azərbaycan İrana başsağlığı verib

Azərbaycanın Xarici İşlər Nazirliyi İrana başsağlığı verib.

Bu barədə nazirliyin “X” sosial şəbəkəsindəki hesabında paylaşım edilib.

“İranın Kirman əyalətində törədilən terror aktı nəticəsində həlak olanların ailələrinə dərin hüznlə başsağlığı verir, yaralananların tezliklə sağalmasını arzulayırıq. Azərbaycan terrorizmdən çox əziyyət çəkən ölkə kimi onun bütün forma və təzahürlərini pisləyir”, – Xarici İşlər Nazirliyinin paylaşımında bildirilir.

Qeyd edək ki, partlayışlar nəticəsində ölənlərin sayı 103 nəfərə, yaralıların sayı 211-ə çatıb. Terror aktı ilə əlaqədar sabah ölkədə matəm elan edilib.

Film istehsalına vergi güzəşti tətbiq olunacaq

Best News
-
0
Film istehsalına vergi güzəşti tətbiq olunacaq

Bu gündən film istehsalı ilə bağlı vergi güzəşti tətbiq olunacaq.

Lent.az-ın xəbərinə görə, bu, Prezident İlham Əliyevin tətbiqi barədə fərman imzaladığı Vergi Məcəlləsinə dəyişiklikdə əksini tapıb.

Azərbaycan Respublikasında qeydiyyatdan keçən və film istehsalını, habelə dublyajını həyata keçirən, mikrosahibkarlıq subyekti olmayan kinematoqrafiya müəssisəsinin sahibkarlıq fəaliyyətindən əldə etdikləri mənfəətin 75%-i 2024-cü il yanvarın 1-dən 3 il müddətinə mənfəət vergisindən azad edilib.

Fəxri Ağayev ilin ən yaxşı biznes məqalə müəllifi seçilib

Best News
-
0
Fəxri Ağayev ilin ən yaxşı biznes məqalə müəllifi seçilib

Biznes konsultant və təlimçi Fəxri Ağayev beynəlxalq iş adamları və idarəçilər cəmiyyəti “Executive.ru” portalında ilin ən yaxşı biznes məqalə müəllifi seçilib.

“Report” xəbər verir ki, bir il ərzində bu portalda onun 7 məqaləsi dərc edilib.

Məqalələr böyük firmalarda sahibkarların yaşadıqları vərasət problemi və həlli yolları, şirkət rəhbərlərinin peşəkar və şəxsi inkişafı, kiçik firmaların böyük problemlərinin həll edilməsi, şirkətlərdə idarəçiliyin dəyərlər üzərində qurulması mövzularında olub.

F.Ağayev beşinci ildir ən yaxşı müəlliflər siyahısına daxil olan yeganə şəxsdir. O, 2019 və 2020-ci illərdə də ən yaxşılar siyahısında yer alıb. Artıq ikinci ildir reytinqdə birinci yeri tutur.

Qeyd edək ki, 2023-cü ilin ən yaxşı müəlliflərini müəyyənləşdirərkən “Executive.ru” redaksiyası üç meyara – müəllifin məqalələrinə baxışların ümumi sayı, müəllifin “Executive.ru” saytında aktivliyi, yəni yazdığı məqalələrin və yazılarına olan şərhlərin sayı, müəllifin toxunduğu mövzuların aktuallığı, məqalələrin yeniliyi və praktiki dəyərinə baxılır.

Beynəlxalq iş adamları və idarəçilər cəmiyyəti peşəkar sosial şəbəkə və portal olmaqla onlarla fərqli ölkədən 350 min üzərində sahibkar, iş adamı, top menecerlər və orta menecerlərdən ibarətdir. Menecment, marketinq, karyera, maliyyə və biznes təhsili üzrə nəşrlərin bazasında 10 minə yaxın məqalə var. Bu mətnlərin 80%-i icma üzvləri tərəfindən yazılıb.

Ceyhun Bayramov: “Ciddi siyasi iradə olarsa, Ermənistanla sülh sazişi qısa müddətdə bağlana bilər”

Best News
-
0
Ceyhun Bayramov: “Ciddi siyasi iradə olarsa, Ermənistanla sülh sazişi qısa müddətdə bağlana bilər”

Azərbaycan xarici işlər naziri Ceyhun Bayramov deyib ki, Azərbaycanla Ermənistan arasında sülh sazişi ilə bağlı təkliflərdə fikir ayrılığı var: “Detallara çox da varmaq istəməzdim. Çünki bu, prosesə zərbə vurur. Amma onu deyim ki, fikir ayrılıqları hələ də var. Fikri ayrılıqları olan maddələrin sayında azalma var. 21 noyabrda aldığımız paketdə müsbət istiqamətdə az da olsa, irəliləyiş özünü göstərir”.

Nardaranda keçmiş məhkumdan avtomat götürülüb

Best News
-
0
Nardaranda keçmiş məhkumdan avtomat götürülüb

Nardaran sakinindən odlu silah götürülüb.

Bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, Sabunçu Rayon Polis İdarəsinin 42-ci Polis Bölməsi əməkdaşlarının keçirdikləri tədbirlərlə saxlanılan Nardaran qəsəbə sakini, əvvəllər oğurluq, dələduzluq və narkotiklərlə əlaqəli cinayətlərə görə məhkum olunmuş Həsən Rinyatovdan nömrəsi silinmiş “AK” markalı avtomat silah və 27 ədəd patron aşkar edilərək götürülüb.

Faktla bağlı araşdırma aparılır.

Azərbaycan nefti 2 dollara yaxın bahalaşıb

Best News
-
0
Azərbaycan nefti 2 dollara yaxın bahalaşıb

Dünya bazarında “Azeri Light” markalı Azərbaycan neftinin 1 barelinin qiyməti 1,88 ABŞ dolları, yaxud 2,3 % artaraq 82,07 ABŞ dolları təşkil edib.

Bu barədə “Report”a neft bazarındakı mənbə məlumat verib.

Hərracların nəticələrinə görə, “Brent” markalı neftin mart fyuçerslərinin qiyməti 78,81 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 60 ABŞ dollarından hesablanıb.

Xatırladaq ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən “Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 25 %-dir.

Samir Abasov: “Bu cür qərarlar bir günün içində verilmir”

Best News
-
0
Samir Abasov: “Bu cür qərarlar bir günün içində verilmir”

 “Hər iki cinaha vinger axtarışımız davam edir. Mövsümün ilk yarısında bəzi oyunçuların zədələnərək uzun müddətə sıradan çıxması bizə çox çətinlik yaratdı”. Bu sözləri Sport24.az-a açıqlamasında “Sumqayıt”ın baş məşqçisi Samir Abasov bildirib.

45 yaşlı mütəxəssis saytımıza açıqlamasında düşərgədə zədəli futbolçuların sayının çox olmasına baxmayaraq, əlavə transferlər barədə düşünmədiyini də vurğulayıb: “Bu gün biz 4-cü yerdən danışırıq, avrokuboklar barədə düşünürük. Ancaq bəzən elə vəziyyət yaranır ki, meydana buraxmağa futbolçu tapmırsan. Qeyd etdiyim kimi geridə qalan 18 turda zədə səbəbindən bəzi futbolçularımızın xidmətindən yararlana bilmədik. Onların yoxluğunda xal qazanmalı olduğumuz qarşılaşmalardan əliboş ayrılmışıq. Bəli, yenə də zədəlilərimiz var. Lakin daha çox vinger axtarışındayıq. Başqa mövqelərə transfer etmək fikrimiz yoxdu”.

Qış fasiləsində bəzi klublar, daha dəqiq desək, elitanın 5 təmsilçisi toplanışı ölkə daxilində keçirməyə qərar verib. Ancaq sumqayıtlılar fərqli addım ataraq yanvarın 6-da Türkiyəyə yollanacaq. Abasovun sözügedən məsəyə münasibəti belə oldu: “Türkiyə toplanışın noyabrdan planlaşdlrmışıq. İki ay öncədən hazırlıq planı tərtib olunub, yoxlama matçlarının vaxtı müəyyənləşib. Bu cür qərarlar bir günün içində verilmir. Rəhbərlik sağ olsun, istəyimizi reallaşdırdı”.

RƏŞAD QASIMOV

Mənbə: sport24

ABŞ İraqda əməliyyat keçirib, İrana yaxın hərəkatın liderlərindən biri ölüb

Best News
-
0
ABŞ İraqda əməliyyat keçirib, İrana yaxın hərəkatın liderlərindən biri ölüb

ABŞ-nin İraqda İrana bağlı silahlı qruplaşmanın düşərgəsinə hava zərbələri endirməsi nəticəsində “Nuceba Hərəkatı”nın liderlərindən biri Əbu Takva əs-Said ölüb.

“Report” xəbər verir ki, məlumatı “TRT Haber” yayıb.

Bildirilib ki, hava zərbələri ilə daha 2 nəfər ölüb, 6 nəfər isə yaralanıb.

İraq hökumətinin rəsmiləri hadisə ilə bağlı hələ açıqlama verməyib.

Məlumata görə, “Nuceba Hərəkatı” İran hakimiyyətinə yaxın sayılan “Haşdi Şabi”yə bağlı silahlı qruplaşmadır. İnformasiyaya əsasən, hava hücumunun hədəfi Əbu Takva əs-Said və onun ətrafı olub.